Избрани се македонските „гејмери“ кои ќе не претставуваат на Светското првенство во Израел

Се комплетираше македонската Еспорт репрезентација која ќе настапи на Светското првенство во Израел во четири дисциплини: CS:GO, Dota2, PES21 и Tekken7.

Шестата сезона од Прва Македонска Еспорт Лига се одржа во јуни и јули 2021 година. Државното првенство во еспорт, препознатливо под насловот „Скопје ОПЕН“, беше поддржано и помогнато од Град Скопје. Македонската Еспорт Федерација, во соработка со Еспортс.мк, го организираше националното еспорт првенство и квалификации за учество на Светското Првенство во еспорт.

Од таму ги добивме и претставниците. Во „Dota2“ првото место го освои тимот „BLADE Esports“, тие во финалето го победија тимот на „CRYSIS“ со 2:0. Tимот на „Good Game“ беше победник во „CS:GO“ победувајќи го во финалето „ЕNTUTY“ со 2:1.

Давид Гаревски кој е веќе повеќекратен победник победи на турнирот во „PES21“, додека Стефан Глигоров беше најдобар во „Takken7“.

МАКЕДОНСКИ ПРЕТСТАВНИЦИ НА ЕСПОРТ СВЕТСКОТО ПРВЕНСТВО

– DOTA2: Blade Esports

– CS:GO: GOOD GAME

– PES21: Давид Гаревски

– Tekken7: Стефан Глигоров