Играчите на Ливерпул ќе добијат бонус за освојувањето на ПЛ, познато и колку

Aнглискиот „Дејли Мејл“ откри колкав бонус ќе добијат играчите на Ливерпул за освојувањето на Премиер лигата кое сега е само прашање на време.

Тимот на Клоп има 22 бода предност после 25 кола и доколку продолжи во ова темпо титулата математички може да ја обезбеди и на седум кола пред крајот на првенството. Ливерпул од потешките натпревари на гостински терен игра само против Манчестер Сити, но не изгледа реално „граѓаните“ да ја надополнат огромната негатива.

Салах, Мане и останатите играчи ќе поделат вкупно четири милиони фунти бонус кој ќе го разделат во зависност oд тоа кој колку натпревари одиграл. Во просек секој играч ќе добие 150.000 фунти, тука не се пресметани индивидуалните бонуси во договорите кои ги имаат сите играчи.

Клоп исто така ќе добие голем бонус, меѓутоа засега не е познато каков договор има со клубот од „Енфилд“, освен тоа што добива 15 милиони фунти по сезона.