Ибра не треба да го провоцирате: Тоа го направи играчот на Аталанта, па си го доби

Златан Ибрахимовиќ е познат по тоа дека на никој не му останува должен, особено некој ако се обиде да го испровоцира.

Милан беше понижен од Аталанта со 0:3, а во судиското продолжение видовме сцена во која после расправија со Ибра дебелиот крај го однесе Запата.

Росонерите во досегашниот дел од сезоната имаа 12 пенали, а удар од белата точка очекуваа и во судијското продлжение.

Во таа прилика Запата му рече на Ибра: „Не можете да го завршите натпреварот, а да не добиете пенал. Сакате и 13. пенал?“

Следуваше бруталниот одговорт од Ибра после кој Колумбиецот никогаш повеќе нема да помисли да влезе во дискусија со Швеѓанецот.

„Што зборуваш? Имам повеќе голови во кариерата отколку ти што имаш одиграно натпревари.“ – му порача легендарниот напаѓач.

Статистиката покажува дека Ибра постигнал 498 погодоци, а Запата одиграл 371 натпревар. Разлеката помеѓу нив е десет години.

🗣 Ibrahimovic to Zapata: “I’ve scored more goals than you’ve had games played in your career.”pic.twitter.com/FVHOHKBxqT

— SempreMilan (@SempreMilanCom) January 23, 2021