Зинчеко се расплака на прес-конференцијата: Сонуваме за Мундијал, но сонот на секој Украинец е да заврши војната!

Фудбалерот на Манчестер Сити, Олександр Зинчеко се расплака на прес-конференцијата пред полуфиналниот бараж против Шкотска кој се игра вечерва од 20:45 часот.

Поради ситуацијата во нивната земја Украина не играше баражи во март, меѓутоа воените дејствија таму се уште не запираат, па УЕФА мораше да бара алтернатива. Зинчеко и претходно неколку пати апелираше да се стави крај на руската агресија.

Сега пред оваа пресметка емотивно експлодираше.

„Сонуваме да играме на Светското првенство, но сон на секој Украинец во овој момент е да заврши војната. Разговарам со децата, тие не разбираат што се случува, меѓутоа сонот на сите е еден – крај на таа војна“, порача Зинчеко.

Ќе потсетиме, победникот од Шкотска и Украина за место на Мундијалот ќе игра против Велс на 5. јуни.

Zinchenko não conteve as lágrimas na antevisão da meia-final do play-off de acesso ao Mundial 2022.

“Todos os ucranianos sonham com que a guerra acabe. Nós temos também outro sonho, que é estar no Mundial.” 💛💙 pic.twitter.com/Q70LcNIr6H

— B24 (@B24PT) May 31, 2022