За овие двајца нема место во Арсенал

Jaсно и гласно, двајца играчи ќе го напуштат Арсенал до крајот на преодниот рок.

Арсенал утре го очекува дербито против Ливерпул и тоа ќе биде судир на тимовите кои имаат максимален учинок, а пред натпреварот Унаи Емери потврди дека на двајца играчи нема да смета.

Еден е Шкодран Мустафи на кого му е кажано дека нема да се смета на него и понудено му е да оди на позајмица во Рома. Германскиот фудбалер не одигра ниту минута во оваа сезона.

Неодамна кажа дека нема да замине, но јасно е дека ризикува цела сезона да ја помине на клупата.

Мохамед Елнени е засилувањето на Венгер кое за четири собра 30 настапи во Премиер лигата. Овој фудбалер има понуда од Галатасарај да оди на позајмица.

Емери кажа дека двајцата се големи професионалци, но и дека се незадоволни со статусот, па можеби е најдобро да одат некаде каде што ќе можат да играат.