Заминувањето на Пике и помага на Барса да го доведе Бернардо Силва

Барселона планира нова офанзива за ѕвездата на Манчестер Сити, Бернардо Силва, пренесиваат каталонските медиуми.

Барселона и ова лето се обидуваше да го доведе Бернардо Силва, но немаше доволно финансиски средства да го комплетира трансферот.

Каталонски „Спорт“ пренесува дека заминувањето на Пике ќе и помогне на Барселона да го доведе Португалецот. Со заминувањето на Пике клубот ќе спаси 52 милиони евра бруто.

Минималната сума за која Сити е спремен да го продаде Силва е 80 милиони евра, а Барса е спремна да се ослободи и од Феран Торес, само да го донесе Португалецот на „Камп Ноу“.