Жиру сака да остане во Челзи

Оливие Жиру беше на излезна врата од Челзи во јануарскиот преоден рок, но сега сака да остане на „Стенфорд Бриџ“.

Жиру во првиот дел од сезоната не добиваше голема минутажа кај Френк Лампард и инсистираше да ја промени средината, но „сините“ не можеа да најдат замена па го задржаа Французинот.

Сега ситуацијата се промени и Жиру сака да остане во Челзи. По повредата на Тами Абрахам, тој ги започна последните четири меча за „сините“, во кои постигна еден гол.

Останува да видиме дали Челзи на крајот на сезоната ќе му понуди продолжување на соработката бидејќи неговиот договор истекува на лето.