ЕУРО анализа: Унгарија – Франција, нема да им биде лесно на „триколорите“ на преполната Пушкаш арена

Франција ќе има за цел да го одржи својот совршен почеток на ЕУРО 2020 кога во сабота во Будимпешта ќе се соочи против Унгарија во рамките на групата Ф.

Домаќините беа поразени од Португалија инспирирана од Кристијано Роналдо со 3:0 на нивниот прв натпревар, додека Франција започна одлично и славеше со 1:0 среде Германија.

Унгарија на крилјата на навивачите се надева на чудо

Стадионот Пушкаш во Будипешта изгледаше како на некоја друга планета, како во времето пред Ковид пандемијата. Полн стадион со толку голема еуфорија и неверојатно навивање не беше виден повеќе од година и половина и глетката беше навистина неверојатна. Такво нешто ќе има и на овој натпревар.

Унгарија одигра одличен меч понесена од еуфоријата, а мечот до 84-та минута беше 0:0. Португалија поведе со 84-та минута, за потоа Роналдо во 87-та и 92-та минута д аги постави конечните 3:0. Но тој резултат е превисок за случувањата на теренот.

Португалија секако беше подобар тим, но и унгарците имаа свои шанси и само среќата пресуди з ависока победа на португалците.

Менаџерот на Унгарија, Марко Роси, ја презеде вината по мечот поради направените измени и најави голема борба на овој меч со Франција. Во група во која се Германија, Франција и Португалија, унгарците секако се големи аутсајдери, но никој не смее да ги одземе надежите на оваа селекција, особено откако на минатото ЕУРО ја поминаа групата во која исто така беше Португалија.

Франција мирна по победата во Минхен

Избраниците на Дидие Дешамп успеаја да слават во Минхен над Германија со 1:0. Но Франција не брилијираше на натпреварот и покрај тоа што се очекуваше тоа од нив. Бензема и Мбапе не беа на потребното ниво, а Франција славеше со автоголот на Хумелс во 20-та минута.

Во сите сегменти на фудбалската игра, па и според статистиката Германија беше подобра. Но тоа е нешто што воопшто не ги загрижува французите, тие славеа победа и се задоволни со трите бода во оваа тешка група.

Италија на Роберто Манчини, е единствената земја во Европа што може да се пофали со подобра одбрана од Франција од крајот на минатата година, а ако Франција не прими гол со Унгарија, тоа ќе значи шест последователни дуели без примен гол за прв пат од 2007 – кога ги водеше постојано контроверзниот Рејмонд Доменек.

Понатаму, Франција влегува во саботниот натпревар со серија од пет победи по ред, а на официјален меч последен пат загубија во 2019 година.

Прогноза:

Нема дилема во тоа кој е фаворит на овој меч и нема потреба премногу да размислуваме околу тоа. Сепак, не очекувајте дека на Франција ќе и биде лесно. Би требало да слават победа, но ќе имаат тежок меч на преполната Пушкаш Арена во Будимпешта.

ТИП: Унгарија – Франција @ 1.33 во Bet365