Ериксен се врати во Милано

Плејмејкерот на Интер, Кристиан Ериксен денес пристигнал во Милано, пренесуваат италијанските медиуми.

Ериксен најпрво имал средба со извршниот директор на „нероаѕурите“ Бепе Марота, а потоа ќе му бидат направени нови медицински испитувања.

29-годишниот плејмејкер доби срцев удар на првиот натпревар од ЕП против Финска. Потоа му беше направена операција и му беше вграден електричен дефибрилатор.

Ериксен денес се врати во Милано и ќе оди на нови детални испитувања за да се види причината која довела до срцевиот удар.

Веќе е потврдено дека ако Ериксен продолжи да носи дефибрилатор нема да може да игра за Интер, бидејќи правилата во Серија А не го дозволуваат тоа.