Ериксен мора да се сели: Хотелот каде престојуваше е затворен поради коронавирус

Кристиан Ериксен во јануари од Тотенхем се пресели во Интер, а синоќа беше исфрлен од хотелот каде престојуваше во Милано.

Италијанските медиуми пренесоа дека хотелот во Милано бил принуден да се затвори поради пандемијата на коронавирус, а Ериксен останал без место за престој.

Интер итно бараше апартман за Данецот каде ќе ги помине следните две недели во изолација.

Милано е најголемото жариште на коронавирусот во Италија, поради што Ериксен ќе мора да остане во самоизолација.