Емотивна приказна: Зошто Лукаку кога слави гол прави буква „А“?

Ромелу Лукаку од почетокот на својата кариера се издвојувал од своите врсници првенствено поради својата висина и градба, но и за разлика од многумина имал исклучително тешко детство.

Лукаку претходно раскажуваше некои детали од тешкото детство, меѓутоа посебно внимание привлече во последното обраќање за „Газета Дело Спорт“. Одличниот Белгиец често пати при прославата на головите ја покажува буквата „А“ сега откри зошто го прави тоа.

„Имав шест години кога мојот татко престана да игра фудбал, а на мојата мајка и беше дијагностициран шеќер. Поминавме низ неколку тешки години. Немавме пари, мајка ми работеше низ локалните ресторани, а јас и брат ми одевме кај неа после натпреварите. Понекогаш нашите родители остануваа гладни за ние да имаме што да јадеме“.

„Сега сакам се да и вратам. Кога и да постигнам гол правам буква „А“ за да го посветам голот на својата мајка Адолфина бидејќи без неа не би бил ова што сум денес“, изјави Лукаку.