„Ел Класико“ за големиот талент на Челзи

Шпанските гиганти Реал Мадрид и Барселона испратија скаути денес на на „Стенфорд Бриџ“ за мечот помеѓу Челзи и Евертон, пренесуваат медиумите на Островот.

Медиумите откриваат дека шпанските гиганти веќе извесно време го следат талентот на Челзи Били Гилмор.

18-годишниот играч за врска се почесто добива шанса за настап од Френк Лампард оваа сезона и покажа дека станува збор за исклучителен талент.

Гилмор се пресели во Челзи од Глазгов Ренџерс во 2017 година, игра за младиот тим, а оваа сезона запиша седум настапи за првиот тим на „сините“.

Барселона веќе подолго време ги следи неговите настапи, а сега во трката за неговииот потпис се вклучи и Реал Мадрид.

Шпанските ривали ќе се обидат на лето да го „украдат“ Гилмор од Челзи, но тоа ќе биде тешко бидеќи „сините“ веќе спремија нов договор за својот „бисер“.