Елмас тренирал одвоено од соиграчите во Наполи!

Maкедонскиот фудбалер Елиф Елмас вчера не тренирал заедно со останатите играчи на Наполи.

Наполитанските медиуми објавија дека Елмас тренирал одвоено, но не открија дали се работи за повреда или некаква казна. Во последно време Гатузо констатно испраќаше пофалби на адреса на Елмас, па поради тоа ова е чудно и поверајатно е да станува збор за повреда, истото го пишуваат и Италијанците.

„Добро е што Калид Кулибали се врати на тренинзите во групата, но помалку добро е што Елиф Елмас тренираше одвоено. Наполи не соопшти за што станува збор“, пишува наполтанскиот весник „Ил Матино“.

Доколку станува збор за повреда се надеваме не е ништо сериозно затоа што Македонија за 20 дена ја очекува бараж натпреварот против Косово во Лигата на нации.