Една добра и една лоша вест за Јувентус пред дербито!

Тренерот на Јувентус, Макс Алегри ги израдува фановите и потврди дека Пауло Дибала ќе биде во стартниот тим против Лацио, прв пат после два месеци.

Меѓутоа, Алегри исто така потврди дека Гонзало Игуаин нема да биде повикан за дербито во Рим, но најверојатно ќе биде спремен за дуелот со Тотенхем во ЛШ.

„Игуаин нема да биде во тимот против Лацио, но Дибала и Буфон ќе бидат стартери. Киелини исто така може да добие одмор. Многу е рано да кажам дали Гонзало ќе биде спремен за Тотенхем, но сум оптимист“, изјави Алегри.

„Во мометов не мислиме на мечот со Тотенхем, бидејќи мечот со Лацио ни е апсолутрен приоритет. Овој натпревар не мотивира бидејќи ќе биде тактичка битка. Деталите ќе ја направат разликата. Треба да бидеме внимателни бидејќи оваа сезона веќе два пати загубивме од Лацио“, предупреди Алегри.

? #LazioJuve: la lista dei 2️⃣0️⃣ bianconeri convocati da mister @OfficialAllegri ? https://t.co/urt1ZkHqzT ⚪️⚫️ pic.twitter.com/45p2dqOvcS

— JuventusFC (@juventusfc) March 2, 2018