Еден од најславните балкански клубови пред згаснување!

Од Бугарија ни пристигнуваа вести дека фудбалскиот клуб Левски Софија е пред згаснување.

Еден од најголемите балкански клубови за кој настапувале и повеќе Македонци се најде во тешка ситуација поради кризата која ја создаде коронавирусот и во следните десет дена може да банкротира.

Генералниот директор Павел Колев, спортскиот директор Ивајло Петков и тренерот Петар Хубчев поднесоа оставки кои официјално ќе бидат прифатени за осум дена. Со тоа започна распадот на клубот кој 26 пати беше шампион на Бугарија, а основан е во 1914 година.

Ако раководството не пронајде инвеститор за брзо време најцрното сценарио е многу веројатно.

Инаку, тренерот Хубчев без плата работел од јануари, а целата структура одлучи да го напушти клубот за финансиски да му помогне.