Еве колку Звезда ќе заработи ако ја распродаде „Маракана“ за Лигата на шампионите

Црвена Звезда и оваа година втора во низа ќе игра во групната фаза од Лигата на шампионите.

Заработката од влезниците сигурно е еден од важните фактори кои Звезда ја носат на едно повисоко ниво. Влезниците за оние кои немаат сезонски карти се нешто поскапи, но тоа е и очекувано затоа што станува збор за натпревар од Лигата на шампионите.

Капацитетот на „Маракана“ е точно 49.381 места и сега српските медиуми пресметаа колку ќе заработи Звезда ако стадионот биде исполнет до последното место.

Кога ќе се собере, Звезда има прилика ако стадионот биде полн на сите три натпревари да заработи дури 8.597.576 евра!

Кога на ова ќе се додадат и оние 10-15 милиони евра од самиот настап во Лигата на шампиони јасно дека српскиот клуб добро ќе го наплати успехот во Европа.