Драма на тренингот на Алкараз пред мечот со Ѓоковиќ!

Карлос Алкараз одработи тренинг на неколку часа пред мечот со Ѓоковиќ, но тренингот на шпанскиот ас во еден момент беше прекинат.

Се беше нормално и вообичаено како за сите претходни тренинзи додека на една повозрасна жена не и се слоши покрај теренот. Повозрасната госпаѓа се сруши на теренот, а Шпанецот веднаш дотрча да и помогне.

Реагираа брзо и докторите кои ја изнесоа госпоѓата надвор од теренот и ја пренесоа во најблиската болница. Иако на момент завладеа паника на теренот, сепак набрзо беше јасно дека се ќе биде во ред бидејќи госпоѓата во свесна состојба била изнесена надвор од теренот.

По прекинот, Алкараз го продолжи тренингот со тренерот Хуан Карлос Фереро.