Дортмунд се прости од Обамејанг: Беше успешен, ако ги исклучиме последните недели!

Спортскиот директор на Борусија Дортмунд, Михаел Цорк ја коментираше разделбата со Обамејанг, кој се пресели во редовите на Арсенал.

Цорк престојот на Обамејанг го окарактеризира како успешен, но само доколку не се сметаат последните недели.

„Ако ги оставиме на страна непријатните случувања од последните недели, престојот на Обамејанг може да го запаметиме како доста успешен. За овие четири и пол години тој направи неверојатни нешта за Борусија. Постигна многу голови и беше дел од тимот кој го освои Купот во 2017 година. Му посакуваме се најубаво во Арсенал“, изјави Цорк.

„Непријатните случувања“ за кои зборува директорот се скандалите кои ги правеше Обамејанг, па на два пати беше суспендиран поради нарушување на дисциплината.