Емотивна средба во Торино: Осимен се сретна со легенда на Јувентус (Видео)

По натпреварот во Торино се случи момент кој брзо стана хит на социјалните мрежи. Напаѓачот на Галатасарај, Виктор Осимен, имаше посебна средба со легендарниот Алесандро Дел Пјеро.

Осимен го забележа поранешниот капитен на Јувентус по крајот на мечот во Торино и побара фотографија со него. Насмевката и емоцијата на неговото лице зборуваа повеќе од илјада зборови – јасно беше колку му значи средбата со еден од своите идоли.

Иако беше една од најголемите ѕвезди во Серија А, Осимен покажа дека и понатаму има детска радост кога ќе се најде покрај фудбалска икона како Дел Пјеро.