Дончиќ погоди тројка со звукот на сирената, Сакраменто победи, Богдановиќ издоминира, Кари „броеше“ до 42 (ВИДЕО)

Изминатата вечер во НБА лигата беа одиграни девет натпревар.

Еден од натпреварите кои понуди најголемо возбудувања го одираа Портланд и Далас Маверикс. На крајот славеше Портланд после продолженија со 121:118.

На овој натпревар голема драма видовме во финишот на регуларниот дел. Блејзерси водеа со 107:104, а после две промашени слободни фрлања на Џелен Брунсон останаа 0.6 секунди до крајот. Тогаш на сцена стапи Лука Дончиќ.

? "CAN YOU BELIEVE THAT!?" ?

LUKA DONCIC FORCES OT WITH THE QUICK RELEASE TRIPLE! #MFFL #NBAROOKS pic.twitter.com/fpGJCaL2t8

— NBA (@NBA) December 24, 2018

Чудесниот Словенец ја прими топката во десниот агол и од тешка позиција со звукот на сирената погоди за продолженија. Сепак, Демијан Лилард и Мекколум одиграа клучна улога во дополнителниот период и Портланд на крајот стигна до победата.

Иако го погоди шутот во последните секунди, Дончиќ немаше добра шутерска вечер. Од игра погодуваше само 7/21, но натпреварот го заврши со 23 поени, 11 скокови и шест асистенци.

Портланд беше предводен од Лилард и Мекколум. Лилард имаше учинок од 33 поени и 7 асистенции, додека Мекколум постигна 22 поени со пет скокови и исто толку додавања.

Богдан Богдановиќ продолжи со одличните настапи и во натпреварот на Сакраменто против Њу Орлеанс кој неговиот тим го доби со 122:117.

Српскиот кошаркар беше еден од најдобрите на паркетот и за нешто помалку од 32 минути уфрли 24 поени и имаше седум скокови и 4 асистенции. Најефикасен во редовите на Кингси беше Беди Хил со 28 поени. Ова ќе биде прв пат уште од 2004/2005 година Кингси новата година да ја дочекаат со позитивен скор.

Голден Стејт со 129:127 славеше против Клиперси. Вориорси беа предводени од одличните Кари и Дурант.

Стеф Кари натпреварот го заврши со 42 поени, 2 асистенци и шест скокови, додека Дурант запиша дабл-дабл со 35 поени, 5 асистенции и 12 скокови. Кај Клиперси поентерски најрасположен беше Харис со 32 поени, 2 асистенции и 9 скокови.

https://www.youtube.com/watch?v=B2V-L1H8pGM

НБА резултати:

Бостон – Шарлот 119:103

Бруклин – Феникс 111:103

Кливленд – Чикаго 92:112

Орландо – Мајами 91:115

Сакраменто – Њу Орлеанс 122:117

Оклахома – Минесота 112:114

Голден Стејт – ЛА Клиперси 129:127

Портланд – Далас 121:118 (после продолженија)

ЛА Лејкерс – Мемфис 99:107