Донарума: ПСЖ беше моја судбина, навивачите ме обвинуваат без да ја знаат другата страна

Голманот на ПСЖ Џанлуиџи Донарума уште еднаш се обиде да објасни дека тој не е виновен што заминал од Милан.

Долго време Донарума беше во преговори со Милан, а на крајот откако не успеа да се договори премина во ПСЖ како слободен играч.

„Милан направи многу за мене и благодарен сум, таму се развив како човек и како фудбалер. Сите ме обвинуваат мене без да размислат од друга страна. Последниот повик кој го имав од Милан беше да ме известат дека потпишале со нов голман. Тука завршивме“.

„ПСЖ мислам дека беше моја судбина. Ме следеа долго време и секогаш ми ставаа до знаење дека се заинтересирани. Сите во клубот направија да се чувствувам важен од претседатело Ал Келаифи до директорот Леонардо. Среќен сум тука“, изјави Донарума.