Бразилскиот фудбалер Диего Коста повеќе од половина година е без клуб откако го напушти Атлетико Минеиро.
Коста минатото лето потпиша за Атлетико Минеиро, но си замина после само половина година на почетокот на јануари. Овој 33-годишен напаѓач се поврзуваше со многу клубови ширум светот, меѓутоа засега е без ангажман.
Диск голф го освојува светот, а го нема во Македонија!? ↓↓↓
Англиските медиуми се објавија дека тој после повеќе од четири години може да се врати во Премиер лигата. Имено, Коста е на мета на Вулверхемптон кој веќе стапил во контакт со искусниот напаѓач. Според информациите спремни се да му понудат договор на една година.
Причината поради која може да го ангажираат Коста е повредата на Саша Калајџиќ на неговото деби, додека Раул Хименез исто така е надвор од терените поради повреда. Коста не играл од минатата година, но во Вулвс сметаат дека може да биде добро засилување во ваква ситуација кога трансфер пазарот е затворен и во опција се само слободните играчи.
Во Бразил за Атлетико Минеиро Коста одигра 19 натпревари и постигна пет гола.
Учество во игри на среќа е дозволено за лица со 18+ години. Играј одговорно!