Де Роси започнува самостојна тренерска кариера во Серија Б

Легендата на Рома Даниеле Де Роси ќе започне тренерска кариера и ќе го води тимот на СПАЛ кој се натпреварува во Серија Б.

Ова е уште еден светски шампион со Италија од 2006 година кој презема тим од Серија Б. Таму веќе се Фабио Канаваро, Филипо Инзаги, Фабио Гросо…

Според „Скај Италија“ Де Роси и СПАЛ се договориле и во текот на денешниот ден се очекува и официјализација.

Де Роси покрај Рома краток период играше и во Бока Јуниорс каде што се пензионираше. За Италија запипа 117 настапи. Досега тој беше дел од репрезентацијата на Италија како асистент на Роберто Манчини.