Минатиот викенд Манчестер Јунајтед го пречека Манчестер Сити во градското дерби и натпреварот беше решен уште во првото полувреме кога автогол си постигна Баји, а мрежата на Јунајтед ја погоди и Бернардо Силва.
Во продолжението „црвените ѓаволи“ беа немоќни да се вратат во игра, а упатија и само еден удар во рамките од голот. Сега Кевин Де Брујн за медиумите откри дека тренингот пред дербито со Јунајтед траел само десетина минути.
Пред дербито, падна најважниот потпис во Манчестер Сити! ↓↓↓
„Еден ден пред натпревар вообичаено работиме на тактиката во зависност од тоа како игра противникот. Пред натпреварот против Манчестер Јунајтед беше поинаку. Пеп дојде и ни кажа: Не знам како ќе играат, ќе видиме утре. И после 10 минути го прекинавме тренингот. Вообичаено Пеп знае како ќе игра противникот, овој пат не знаеше, па затоа не можеше да се одлучи. Излеговме ја игравме нашата игра и не знаевме дали Јунајтед ќе игра со петмина или со четворица во одбраната“, изјави Де Брујн.
Учество во игри на среќа е дозволено за лица со 18+ години. Играј одговорно!