Дел Пјеро: Јувентус ќе доминира со Влаховиќ

Легендата на Јувентус, Алесандро дел Пјеро верува дека „старата дама“ направила одличен потег со ангажманот на Душан Влаховиќ.

Влаховиќ за 75 милиони евра се пресели од Фиорентина во Јувентус, а Дел Пјеро верува дека со него во тимот „бјанконерите“ ќе доминираат во иднина.

„Влаховиќ ќе донесе поинаков изглед на Јувентус.  Тој има неверојатен квалитет и е вонсериски напаѓач. За разлика од Мората, умее подолго да задржи топка и е многу борбен. Тоа ќе му даде можност на Јувентус подобро да се трансформира од напад во одбрана, односно полесно да дише. Очекувам да продолжи да дава многу голови, а Јувентус со него да игра многу поофанзивно и да доминира во Италија“, вели Дел Пјеро.

„Доколку правилно го изведува тоа што го правеше во Фиорентина знам дека ќе постигне многу голови за Јувентус. Макс Алегри го најде балансот во првиот дел од првенството, а сега ќе може да креира и многу повеќе шанси“, додаде легендата.