Дел Пиеро објасни зошто Дибала е спремен да биде капитен на Јувентус

Легендарниот напаѓач на Јувентус, Алесандро Дел Пиеро зборуваше за Аргентинецот Паоло Дибала и истакна дека 26 годишниот фудбалер е спремен да ја носи капитенската лента на „старата дама“.

„Дибала стана комплетен фудбалер. Неколку пати ја носеше капитенската лента и тоа сугерира дека е спремен за таква улога, затоа и му беше доделена“.

„Лично го познавам и би кажал дека созреа во последните месеци. Неговата реакција на она што се случуваше во текот на летото најдобро покажува колку е смирен. Знаев дека е голем работник и поради тоа како што кажав стана комплетен играч“, додаде прославениот напаѓач.

Дибала во Јувентус пристигна од Палермо во 2015 година, а во тимот од Сицилија помина три години. Игра на позицијата офанзицен играч за врска, а во текот на летот често се поврзуваше со Манчестер Јунајтед и Тотенхем.

Дел Пиеро за Јувентус играше од 1993 до 2012 година, а Серија А со бјанконерите ја освојуваше осум пати. За репрезентацијата одигра 91 натпревар и постигна 27 голови.