Две ѕвезди го напуштаат Манчестер Јунајтед

Андреас Переира и Џеси Лингард најверојатно ќе го напуштат Манчестер Јунајтед по завршувањето на сезоната, тврдат медиумите на Островот.

Двајцата го загубија местото во стартниот тим и ретко добиваат минутажа кај Солскјер во последно време.

Лингард и Переира се спремни да го напуштат „Олд Трафорд“ во потрага по поголема минутажа, а клубот нема да им стои на патот и е спремен да ги продаде.

Договорите на двајцата фудбалери со Манчестер Јунајтед истекуваат во јуни 2021 година, па ова е последна шанса „црвените ѓаволи“ да заработат од нивното заминување.

Англиските медиуми тврдат дека „црвените ѓаволи“ имаат план со нивната продажба да финансираат дел од трансферот на Муса Дембеле од Лион.