Дали Јувентус погреши? – Минатото лето одбија „монструозна“ понуда, а сега тој е непрепознатлив!

Изгледа дека во текот на летото погрешија што не ја прифатија понудата…

Алекс Сандро е непрепознатлив оваа сезона. Имено, левиот бек на Јувентус игра навистина очајно и навивачите сметаат дека Асамоа во овој момент е подобро решение и дека можеби „старата дама“ треба да размислува за негова продажба.

Но, тешко дека сега можат да го добијат она што го одбија минатото лето, а тоа се 70 милиони евра од Челзи.

Наводно, тогаш Бразилецот веќе постигнал договор со „сините“ за плата од шест милиони евра по сезона, но Јуве го стопирал трансферот и му вети на Сандро дека ќе добие нов договор.

Од тоа во овој момент нема ништо, формата на Сандро е таква што тој е непрепознатлив и изгледа дека целосно ја изгуби самодовербата.

Секако, Јуве нема да го пушти во јануари. Кога во прашање се заинтересираните тука е Мурињо и Манчестер Јунајтед, додека Јувентус наводно замена за Сандро гледа во Спинацола кој би се вратил на позајмица од Аталната.