Дали претера? Лукаку жестоко го нападна Јувентус

Напаѓачот на Интер, Ромелу Лукаку упати жестоки критики кон актуелниот лидер во Серија А, Јувентус.

Белгиецот зборуваше за актуеланата ситуација во Италија и изјави дека фудбалот во Италија бил запрен дури кога еден фудбалер на Јувентус се заболел од коронавирусот.

Ругани беше позитивен на коронавирус само два дена после дербито помеѓу Јувентус и Интер и тогаш официјално беше стопиран фудбалот во Италија.

„Здравјето е на прво место. Зошто да играме кога постојат луѓе кои ги ризикуваат животите? Дали играчот на Јувентус мораше да биде позитивен за се да се запре, дали тоа е нормално? Не , тоа не е нормално“, изјави Лукаку.

„Признавам дека ми недостасува фудбалот, но сега најважно е здравјето. Се друго останува на второ место“, додаде Белгиецот.