Дали ова е новата реалност на Санчез? Би прифатил ли да игра за овој клуб?

Чилеанецот Алексис Санчез ќе биде предмет на бројни трансфер шпекулации ова лето бидејќи се очекува да го напушти Интер.

Како што е добро познато неговата ситуација е неизвесна. Се уште е играч на Манчестер Јунајтед, меѓутоа се наоѓа на позајмица во Интер. Со тоа што сме поблиску до крајот на сезоната се погласно се шпекулира за неговата иднина.

Некои сметаат дека ќе се врати на „Олд Трафорд“, други мислат дека Интер ќе го задржи, а трети дека ќе побара нов клуб.

Сега се појави изненадувачки клуб – Рајо Ваљекано! Ваљекано чиј претседател е Роналдо има голема желба да го доведе Алексис и да му даде прилика за нов почеток, но останува отворено прашањето колку Санчез ќе има желба да оди во тим кој нема шампионски амбиции.

Меѓутоа, можеби тоа е и неговата нова реалност затоа што во последните неколку сезони никако не му оди.

Оваа сезона се обиде во дресот на Интер да покаже дека се уште е на ниво, но постигна само еден гол во 17 натпревари.

Крајот на сезоната е се поблиску, а со самото тоа и преодниот рок. Санчез нема многу време да ја убеди управата на Интер дека треба да остане или пак Јунајтед да го врати.