Дали е нарушен односот помеѓу Меси и Пике?

Лионел Меси изминатото лето ја напушти Барселона откако скоро две децении помина во каталонскиот гигант.

Во текот на престојот во Барселона Меси стана близок пријател со многу играчи, меѓу кои беше и Пике. Меѓутоа според последните информации од Шпанија односот помеѓу Пике и Меси е нарушен затоа што Аргентинецот смета дека стоперот го „предал“.

„Последното продолжување на договорот на Пике направи Меси да се чувствува разочарано. Така се чувствуваше затоа што Пике не ја намали својата плата се додека Меси не замина, доколку тоа се случеше порано можеби ќе се избегнеше негово заминување“, изјавил извор близок на шпанскиот за медиумите.

Дека навистина можеби нешто не е во ред помеѓу Меси и Пике покажува и тоа што Меси пред неколку дена беше во Барселона на вечера со Жорди Алба, Бускетс и Чави, а Пике не се појави на таа средба.

Алба и Бускетс се согласија на намалување на своите плати додека Меси беше уште во Барселона, додека Пике тоа го направи подоцна.