Дали до крајот на сезоната Манчестер Јунајтед може да ја оствари својата цел?

На Манчестер Јунајтед му се потребни пет победи во последните шест натпревари, доколку сака да заврши меѓу првите четири екипи на табелата.

Јунајтед во моментов е на петтото место со 61. освоен бод, но и со натпревар повеќе во однос на Арсенал, Тотенхем, Челзи…

„Претходно ни беа потребни 15 бода од седум натпревари, но по поразот од Вулверхемптон, сега ни се потребни 15 од шест. Ќе биде тешко, но имаме квалитетна екипа и знаеме што не очекува“, изјави тренерот на Јунајтед, Оле Гунар Солскјер.

Солскјер одлично го води Манчестер Јунајтед од неговото доаѓање на 19. декември освои 35 бода што го става на првото место на табелата во Премиер лигата од тој датум. Се разбира, овие резултати на Норвежанецот не поминаа незабележано и покрај тоа што првично беше донесен како привремено решение, доби нов договор со „Црвените ѓаволи“ и на клупата на овој тим ќе седи до 2022. година.