Гринвуд одлично започна во Марсеј – по две кола има три гола!

Поранешниот напаѓач на Манчестер Јунајтед, Мејсон Гринвуд игра одлично во Франција каде што сезонава пристигна во дресот на Марсеј.

Гринвуд во вчерашното второ коло го постигна веќе својот трет гол за клубот од „Велодром“. Напаѓачот со својот погодок го спаси тимот од пораз и донесе бод против Ремс (2:2).

Во претходното коло, Марсеј го победи Брест со 1:5, а во тој дуел Гринвуд беше стрелец на два погодоци.

Инаку, овие денови се појавија најави дека Гринвуд би можел да ја промени репрезентацијата и во иднина место Англија за која има еден настап да го носи дресот на Јамајка. Ќе потсетиме, Англичаните одлучија да не сметаат на него по обвинувањата за силување.