Гризман го избрал бројот во Атлетико

Aнтоан Гризман се врати во Атлетико Мадрид во самиот финиш од преодниот рок, а во Мадрид ќе пристигне по завршувањето на обврските за националниот тим на Франција.

Гризман се очекува да биде големо засилување за шпанскиот шампион, меѓутоа сега нема да ја носи „седумката“. Во Атлетико „седмица“ носи Жоао Феликс, па Гризман ќе мора да избере друг број.

Според најавите на шпанските медиуми Гризман го избрал дресот со број 8 кој го носеше Саул Нигез, Шпанецот како што е познато се пресели во Челзи.