Го славеше голот на својот омилен тим и почина – Трагедија во големото градско дерби!

Јувентус и Торино вчера го одиграа големото градско дерби во кое славеше „старата дама“ со резултат 4:0, но на овој натпревар во финишот на средбата се случила вистинска трагедија.

Имено, еден навивач на актуелниот шампион на Италија не го дочекал крајот на средбата и славјето на својот тим, починал непосредно пред завршувањето на средбата.

Како што пренесуваат италијанските медиуми, последниот гол кој беше дело на Паоло Дибала бил „кобен“ за навивачот кој починал во текот на славјето, докторите на стадионот брзо реагирале и го пренеле во најблиската болница, но за голема жал, фанот на италијанскиот клуб починал на патот кон болницата.