Големата желба на Чупиќ: Сакам да се вратат навивачите за да се збогувам

Веќе е јасно дека Иван Чупиќ ја игра последната сезона во Вардар, после завршувањето Чупиќ ќе се пресели во ППД Загреб.

За овој трансфер се чека само уште официјална потврда.

Хрватот пред да замине има една желба, а тоа е да се вратат навивачите за да се збогува и да им се заблагодари.

„Голема желба ми е да се вратат навивачите до крајот на сезоната, сакам да им се заблагодарам за неверојатните пет сезони во мојата кариера. Ми недостига атмосферата која ја создаваа. Навивачите на Вардар се мојата најдрага публика и ќе биде жално ако немам шанса да им се заблагодарам“, изјави Чупиќ за хрватски „Спортске Новости“.