Ги прескокна „Топчиите“, па следното лето се сели на „Алијанц Арена“

Munich's Sandro Wagner, left, waits for the ball during a German first division Bundesliga soccer match between FSV Mainz 05 and Bayern Munich in Mainz, Germany, Saturday, Feb. 3, 2018.(AP Photo/Michael Probst)

Како што пренесуваат германските медиуми, Баерн ги заврши преговорите со фудбалерот на Бордо, Малком.

Бразилецот со своите партии во дресот на Бордо оваа сезона го привлече вниманието кон себе од многу големи клубови, во јануари беше на работ да премине во Арсенал, но се’ се промени кога „Топчиите“ ја имаа можноста да го ангажираат Обамејанг.

На крајот Габонецот пристигна во Северен Лондон, а Малком остана во француската лига, но се е појасно дека средината ќе ја промени следното лето.

Управата на Баварците тука ја виде својата шанса, му понудија на Малком петгодишен договор, но се уште не постигнаа договор со Бордо кој и натаму бара 60 милиони евра за услугите на својот најдобар фудбалер.

Останува да се види како ќе се одвиваат работите, но Баерн на крајот го добива она што го посакува, така што од следната сезона е можно во дресот на екипата од „Алијанц Арена“ да го видиме и талентираниот Малком.