Гигантите разочарани: Мбапе и Нејмар остануваат во ПСЖ

Претседателот на ПСЖ, Насер Ал Келаифи ги израдува фановите на клубот и потврди дека преговараат за продолжување на договорите на најголемите ѕвезди.

Договорите на Килијан Мбапе и Нејмар истекуваат во 2022 година, па нивната иднината на „Паркот на принцовите“ е неизвесна.

Клубот сака да ги задржи во Париз и веќе почнале преговори со двајцата за продолжување на соработката.

„Не се во тек само преговорите со Мбапе. Исто така почнавме да преговараме за продолжување на престојот и со Нејмар. Почнавме да преговараме со Мбапе и Нејмар“.

„Преговорите се доверливи и се водат одделно за секој играч, но ние имаме голема верба дека се ќе завршиме како што сакаме. Двајцата сакаат да останат со нас“, истакна Ал Келаифи.