Гвардиола откри кој може да го замени Родри

Тренерот на Манчестер Сити, Пеп Гвардиола потврди дека сезоната за Родри е завршена и откри кои се плановите за негова замена.

Гвардиола истакна дека има неколку играчи кои можат да покријат во средниот ред и ја отвори вратата за ангажман на засилување во јануари.

„Денеска беше опериран, мислам дека го повреди и менискусот. Ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме добро да се опорави, чекор по чекор“ изјави Гвардиола.

„Матео Ковачиќ може да покрие, Гундоган исто така може да игра на таа позиција, исто како и Џон Стоунс. Ќе видиме, може ќе донесеме и засилување во јануари, зборував со спортскиот директор Чики Бегиристан“, додаде Пеп.