Гвардиола му одговори на Консесиао: Ние непријатни? Добро, ако мислиш така

Менаџерот на Манчестер Сити Пеп Гвардиола е задоволен од тоа како се однесуваше тој и неговите играчи во текот на натпреварот против Порто.

Тренерот на португалскиот тим Сержо Консесиао после натпреварот зборуваше дека Гвардиола и неговите играчи се однесувале непријатно во текот на натпреварот.

„Граѓаните“ на „Етихад“ го совладаа португалскиот шампион после пресврт со 3:1 за прво место во групата Ц.  Пеп сега порача дека според него се било во ред.

„Ние не сме сакале да бидеме непријатни. Тие мислат дека сме биле, добро можеби е во право. Јас како што кажав не мислам така. Задоволен сум од себе и од моите играчи како се однесувавме од првата до 90. минута. Ако тој мисли поинаку, во ред е“, одговори Пеп.