Гвардиола е многу загрижен пред натпреварот со Хофенхајм, но со право!

Шпанскиот тренер на клупата на Манчестер Сити, Пеп Гвардиола делува загрижено пред утрешниот натпревар во Лигата на Шампионите против Хофенхајм.

Потсетуваме, Сити веќе го осигура настапот во осмина финалето во ова натпреварување, но вечерва му треба барем еден бод за да ја задржи лидерската позиција во групата Ф.

Противник на „Етихад“ е Хофенхајм кој има само шанса за евентуално да игра европска пролет во Лигата на Европа. Сепак, Гвардиола е загрижен поради тоа што на располагање има само 15 играчи за утрешниот натпревар.

„На располагање имам само 15 играчи, не можам да ротирам многу. Сепак, ја поминавме групната фаза, тоа е важно. Но, мораме да победиме за да ја завршиме на првото место и да имаме мала предност“, изјави Шпанецот.

Потсетуваме, дуелот помеѓу Манчестер Сити и Хофенхајм на распоредот е утре од 21:00 часот.