Газдата на Тотенхем ги налути навивачите: За клубот штеди, а самиот си ја зголеми платата

Последните месеци не беа толку добри за Тотенхем, клубот е четврти на табелата без некои задоволителни резултати во Премиер лигата, а може да останат и без Хари Кејн кој на големо се поврзува со заминување.

Договорот на Кејн истекува за една година и се уште нема најави за продолжување, а секако дека интерес за најдобриот играч на „петлите“ има. Освен тоа клубот е и штедлив на трансфер пазарот и баш во таков момент дојде потег на газдата Даниел Леви кој ги налути навивачите.

Имено, Леви си дал покачување самиот на себе и на уште неколку директори. Во 2022 година Леви заработил 3.2 милиони фунти, додека една година претходно 2.6. Па и ова зголемување на заработката за 0.5 милиони фунти не се поклопува со неговата штедлива политика.

Навивачите не се согласуваат и со негативни коментари ја критикуваат одлуката барајќи повеќе пари да се вложат во засилувања, но и да се реши прашањето за името на стадионот.