Во Холандија сигурни: Де Лихт се сели во Барселона!

Трансферот на младиот дефанзивец на Ајакс, Матијс де Лихт во Барселона ова лето е сигирен, тврди најеминентниот холандски медиум „Телеграф“.

Весникот е добро информиран за случувањата во Ајакс и тврди дека капитенот на клубот од Амстердам ќе се пресели во Барселона на крајот на сезоната.

19-годишниот Де Лихт важи за еден од најперспективните дефанзивци во Европа и за него интерес покажуваат многу европски гиганти. Меѓутоа, весникот тврди дека пресудни за трансферот се добрите односи помеѓу двата клуба.

Цената на трансферот се уште не е откриена, но Ајакс сигурно нема да го пушти фудбалерот за сума помала од 70 милиони евра. Таа сума се спремни да ја платат уште ПСЖ, Баерн и Јувентус, па Барселона ќе мора да ги израмни понудите на другите клубови.

Самиот Де Лихт во неколку наврати истакна дека негова желба е да се пресели на „Камп Ноу“, па на крајот пресудна ќе биде неговата желба.

https://youtu.be/xEW3qCd5TjA