Во Франција срушен светскиот рекорд на 1.500 метри

Норвешкиот атлетичар Јакоб Ингебригцен успеа да го собори светскиот рекорд во сала на 1.500 метри, тој истрча со време 3:30,60 минути. Ова време го постави на вчерашниот митинг во Франција, Левин.

Рекордот од 3:31,04 кој беше поставен во февруари 2019 година го држеше Самуел Тефера од Етиопија кој исто така учествуваше во оваа трка и заврши на второто место.

„Се надевав на личен рекорд, не ни сонував дека можам да поставам нов светски рекорд“, изјави 21-годишниот Норвежанец.

За него ова е прв поставен светски рекорд во кариерата. Ќе потсетиме дека тој е олимписки шампион од Токио.