Во Лига Европа во иста група ќе играат клубови кои се одалечени само 30 километри (ФОТО)

Денес е одржан ждребот во Лигата на Европа во која настапуваат 48 клубови.

Во 12 групи не чекаат многу возбудувања, неколку големи европски тимови се спремни да се борат за трофејот, а има и интересни работи поврзани за ждребот.

Малмо кој доаѓа од Шведска во групната фаза за противник го доби дански Копенханген.

Иако станува збор за клубови од различни земји, Копенхаген и Малмо се одалечени само 30 километри што е реткост во групната фаза на некое европско натпреварување.

Со автомобил од едниот до другиот град се стигнува за само 40 минути возење, а автобуската карта чини 3-4 евра, додека со воз од Малмо до Копенхаген може да се стигне за 20-30 минути.