Вознемирувачко видео кое ги покажува последните моменти од животот на починатиот полицаец

Срамотниот судир на навивачите на Атлетик Билбао и Спартак од Москва по реваншот од шеснаесет финалето во Лигата на Европа резултираше со смрт на еден од полицајците.

И, додека хулиганите ова утро ги прекажуваат доживеаните синоќешни „акции“, еден живот е згаснат, а колегите на починатиот полицаец направија се само да го спасат неговиот живот. Сепак, и покрај нивните несебични напори, што покажуваат и фотографиите и видео записите, на крајот мораше да се помират со заминувањето на нивниот колега од овој свет.

Истрагата околу овој случај допрва треба да започне, а вие погледнете го видеото во кое што најдобро се гледаат моментите кога полицајците се бореа за животот на својот колега. Таа сцена започнува од 00:25, а ние се надеваме дека одговорните во овој случај ќе ја добијат заслужената казна.