Вклучени алармите во Аргентина: Меси одржал состанок, против Мексико најмалку две промени

Во селекцијата на Аргентина се вклучени сите можни аларми по шокантниот пораз од Саудиска Арабија.

Капитенот Лионел Меси одржал долг состанок од над час и половина по поразот, а аргентинските медиуми открија дека веднаш по натпреварот меѓу Мексико и Полска била одржан нов, само меѓу играчите, бидејќи ремито им одговораше.

Исто така, аргентинските медиуми денеска пишуваат дека во сабота против Мексико ќе има најмалку две промени во стартниот состав.

Главниот кандидат за скок во стартната постава е Енцо Фернандеш, бидејќи и Леандро Паредес и Родриго Де Пол играа под нивото. Не е невозможно двајцата да останат на клупата, а Мекалистер да игра покрај Енцо, иако е можно и Јулијан Алварез да го замени Папу Гомез на левото крило.

Победата ја враќа Аргентина целосно во борба дури и за првото место, бидејќи Саудиска Арабија тешко ќе ги победи Полјаците, а потоа во последното коло „гаучосите“ можат да решаваат за својата судбина против Левандовски и друштвото.