Вилијан и Барса: Има два начина – желбата на играчот и парите не се доведуваат во прашање

Kaталонците сериозно „загризаа за Бразилецот“.

Во редовите на Барселона расте самодовербата дека може да го доведе крилниот напаѓач на Челзи, Вилијан, сепак работата не е само во парите и желбата на играчот, туку мора да се размислува и на други работи.

Имено, Барса има три места за играч надвор од Европската Ундија. Во овој момент тие места се пополнети со Јери Мина, Фелипе Кутињо и Артур Мело (Луис Суарез има и италијанско држвајнство).

И доколку дојде Вилијан, Мора да се направи место за него. За таква цел постојат два начина.

Едниот е Јери Мина да биде продаден. Одлично го одигра Светското првенство, покажа дека има фантастичен скок, па го привлече интересот од многу клубови.

Втората опција е Кутињо да добие португалски пасош бидејќи сопругата му е од таа земја и на тој начин би се водел како играч од ЕУ, па неговиот колега од репрезентацијата Вилијан би добил слободно место.