Арсенал се спаси од пораз на „Витали“ стадионот во Борнмут, откако во последните 20 минути успеа да ја надомести негативата од три гола. „Топџиите“ од пораз ги спаси Оливие Жиру кој израмни на 3:3 во 92-та минута од натпреварот.
Зошто проблемот со улични кучиња СÈ УШТЕ постои? | Уште еден поткаст
Арсенал одигра лошо прво полувреме и му дозволи на домаќинот во првите 20 минути да постигне два гола. Чарли Данијелс изведе прекрасна минијатура и го совлада Чех, а потоа Калум Вилсон погоди од белата точка. Водството на Борнмут го зголеми Рајан Фрејзер во 58-та минута.
Драмата на „Витали“ стадионот, Арсенал ја најави во 70-та минута кога Алексис Санчез го намали резултатот со својот 13-ти гол во Премиерлигата. Пет минути подоцна негативата дополнително ја намали Лукас Перез.
Судијата Мајкл Оливер во 82-та минута престрого, со црвен картон, го казни Френсис, а предноста од играч повеќе Арсенал ја искористи во 92-та минута кога Жиру ги постави конечните 3:3.
Учество во игри на среќа е дозволено за лица со 18+ години. Играј одговорно!