Видео: Јунајтед имаше два гола предност, а потоа се „молеше“ на Де Геа

Манчестер Јунајтед освои големи три бода на гостувањето против Ватфорд, откако успеа да победи со 2:1.

Ватфорд одлично го започна натпреварот и ја имаше првата шанса, но Де Геа не дозволи домаќините да се радуваат. Во 35-та минута Лукаку ја смести топката во мрежата и му донесе предност на „црвените ѓаволи“, а Смолинг со фантастичен гол ја дуплираше предноста пред полувремето.

Во второто полувреме гледавме само еден тим на теренот, Ватфорд напаѓаше, а Манчестер се бранеше. Во 65-та минута домаќините преку Грај го ублажија водството, а во последните минути Де Геа го спаси тимот на Мурињо.